Советский посёлкысо 2-шо №-ан школышто тунемше-влак элнан 17 эн сай команде радамыште улыт.
Туныктышышт Елена Таратинан вуйлатымыж почеш, нуно географийым палыше-влакын Россий кӱкшытан XIX интеллектуал турнирыштын отборочный йыжыҥжым эртеныт. Тений апрельыште команде финалыште шинчымашым ончыкташ тӱҥалеш, тудыжо «Сириус» федеральный кумдыкышто эртаралтеш. Турнирын тӱҥ призше – «Astoria Grande» круиз лайнер дене йот элыш теҥыз путешествий.
Г.Кожевникова
Фотом Марий Эл Образований да науко министерствын соцкылысе лаштыкше гыч налме
