30 август гыч 19 сентябрь йотке «Артек» йоча тӱнямбал рӱдерыште добровольчестве шотышто тематический смене эртен. Тушто Звенигово районысо Кокшайск села гыч «МЕ» волонтёр отрядын командирже Владимир Тимофееват участвоватлен.
Марий Эл гыч 18 ияш марте вич полуфиналист тиде сменыш «Российын доброволецше — 2019» конкурсын «Социальный проект» номинацийже дене логалын.
Сменын программыже моткоч поян лийын. Ӱдыр-рвезе-шамыч волонтёрство аланыште шуэн вашлиялтше федеральный практик, поро кумыл менеджмент шотышто шинчымаш модуль-влак дене палыме лийыныт, Крымыш поро кумыл акций дене лектын коштыныт.
Но эн тӱҥжӧ 17 сентябрьыште участник-влак проектыштым эксперт комиссий ончылно очно араленыт.
М.ИВАНОВА
