Шорык
Тиде арнян еҥ-влак дене поснак тыматле лийыда. Тыгай койышда ончыкыжым нунын дене пеҥгыде кылым ышташ полша. Кӧ дене але марте сыренда улмаш гын, кызыт сӧрасаш келшыше жап. У еҥ-шамыч дене палыме лийын кертыда. Шӱмбел дене умылыдымаш лектеш, очыни.
Презе
Икымше верыште окса дене кылдалтше йодыш лиеш. Тудым кызыт молгунамсе деч утларак ыштен налын кертыда. Тыгак шонымо сатум налашат йӧн лектеш. Каныш кечылаште тазалык нерген азапланыман. Молан манаш гын вий-куат иземмым шижыда.
Йыгыр
Те путырак нӧлталтше кумылан да чолга лийыда. Тидым еҥ-влак шекланыде огыт код. Ты арнян ожнысо таҥдам вучыдымын вашлийыда. Ончыкыжым тудын дене кылым уэмден кертыда. Икшывыда уло гын, тудлан кугурак тӱткышым ойырыза.
Рак
Тыланда шӱдыр-влак шукырак жапым шкет эртараш темлат. Такшым шкенданат кумылда тыгаяк лиеш. Ала-могай уверым пален налыда. Арня мучаште ешыште умылыдымаш лектын кертеш. Каныш кечылаште мӧҥгыштӧ ачалыме пашам тӱҥалман огыл.
Лев
Йолташ-шамыч дене кыл утыр пеҥгыдемеш. Нуно иктаж-кушко пырля миен толаш ӱжыт гын, тореш ида лий. Арня кыдалне корнышто тӱткӧ лийман. Каныш кечылаште але нунын вашеш пошкудо да родо-влак дене ӱчашымашым тарватыме деч шекланыман.
Ӱдыр
Шочмо да кушкыжмо тыланда ю виян лийыт манашат келшен толеш, вет чыла гаяк шонымашда шукталтеш. Вуйлатыше, ача-ава дене кылым саемден кертыда. Пелашда дене икте-весе кокласе кылыште ала-могай йодыш уэш поснак пӱсын шогаш тӱҥалеш.
Виса
Арня тӱҥалтыш торжественный мероприятийлашке миен толаш келшыше лиеш. Йӧратыме еҥда дене шочмын але кушкыжмын турист семын иктаж-кушко каяш тарванеда гын, канышда кужу жаплан шарнымашеш кодеш, ятыр сай шижмашым пӧлекла.
Скорпион
Окса шотышто куандарыше арня лиеш. Тыгак тыланда оксам арымеш але аралаш пуэн кертыт. Тазалыкым пеҥгыдемдаш иктаж процедурым ыштеда гын, лектышыжым лишыл жапыштак шижыда. Арня мучаште шагалрак пашам ышташ, утларак канаш тыршыза.
Пикшызе
Йӧратыше-влакым куанле арня вуча. Тыланда тӱрлӧ сюрпризым ыштен кертыт. Эсогыл ушнаш темлат, очыни. Концертыш, кинотеатрыш, ончерыш миен толаш келшыше жап. Арня кыдалне мӧҥгыштӧ эрыктыме сомылым да ремонтым тӱҥалаш огеш темлалт.
Ирказа
Мӧҥгыштӧ иктаж-мом вашталтымыда шуаш тӱҥалеш. Тидлан янлыкым налын але мебельым уэмден кертыда. Тыге кумылда утларак нӧлталтеш да тазалыкда пеҥгыдемеш. Диетым эскераш тӱҥалаш лиеш. Каныш кечылаште ешыште тӱрлӧ пӱсӧ йодышым каҥашаш огеш темлалт.
Вӱд йоктарыше
Арнян икымше кечылаште у еҥ дене палыме лийыда да коклаштыда эсогыл йӧратымаш шижмаш шочын кертеш. Икшыве-влак шке сеҥымашышт дене куандарат. Нунын дене иктаж-кушко пырля миен толза. Каныш кечылаште кужу корныш тарваныман огыл.
Кол
Тиде арнян илыме вердам эшеат сӧралракым ыштымыда шуаш тӱҥалеш. Тидлан иктаж-мом уым налын кертыда. Ешыште икте-весе кокласе кыллан кугурак тӱткышым ойырыман. Те ала-кӧлан ӧкпелалтмыдам мондеда гын, тудо угыч куандараш тӱҥалеш.
Л.Камалетдинова
