5 июнь. Ӱпым пӱчкаш келшыше кече огыл, уке гын сусырген, черланен, пашаште нелылык дене вашлийын кертыда. Шемалге деч моло кеч-могай тӱсыш чиялташ лиеш. Тыге еҥ-влак дене вашкылда саемеш.
6 июнь. Тиде кечынат ӱпым пӱчман огыл – тазалыкда лунчырга. Але марте могай тӱс кумылдам нӧлтен, тугайышкак чиялтыман.
7 июнь. Таче ӱпым пӱчкыда але чиялтеда гынат, улшо черда деч писын утлен кертыда, илышда кужемеш.
8 июнь. Ӱпым пӱчмылан кӧра илышыштыда уда велыш вашталтыш лийын кертеш. Ӱпым чиялташ огеш темлалт – кумылда вола.
9 июнь. Ӱпым пӱчмеке, оксада ешаралтеш, пашада воранаш тӱҥалеш. Ӱпым чиялтеда гын, у еҥ-влак дене палыме лийыда, улшо кыл пеҥгыдемеш.
10 июнь. Ӱпым пӱчмӧ деч вара веле огыл, ӱп тӱсым вашталтымекат иктаж кугу погым налын кертыда, тыгодым капыш уто нелыт ешаралтеш, очыни.
11 июнь. Таче ӱпым пӱчмӧ оксам ешараш полша. Ӱпым чиялтеда гын, тазалыкда пеҥгыдемеш.
Л.Камалетдинова
