23 ноябрь. Тиде кечын нигунам ыштыдыме прическым ышташ огеш темлалт. Ӱпым чот чевер тӱсыш чиялтыман огыл, уке гын чер авалтен кертеш, воктеныда улшо еҥ-влак дене кылда локтылалтеш.
24 ноябрь. Таче ойыртемалтше прическым ышташ келшыше кече огыл. Ӱпым натуральный чия дене гына чиялтыман.
25 ноябрь. Ӱпым пӱчкыда але чиялтеда гынат, ончыкыжым мер илышыштыда вашталтыш лиеш.
26 ноябрь. Ӱпым пӱчкаш вес кечым ойырен налман. А теве чиялтеда гын, тазалыкда пеҥгыдемеш, пашаште сеҥымаш лиеш, воктеныда улшо еҥ-влак дене кыл саемеш.
27 ноябрь. Ончыкыжым илышдам ынеда вашталте гын, таче ӱп дене нимомат ида ыште. А кӧ вашталтышым пуртынеже, йӧратымашым вашлийнеже, еҥ-влак кугурак тӱткышым ойыраш тӱҥалышт манын шона гын, вес прическым ыштыман да ӱпым вес тӱсыш чиялтыман.
28 ноябрь. Таче ӱпым пӱчман огыл. Тӱсым натуральный чия дене гына вашталтыман. Уке гын илышда уда велыш вашталт кертеш.
29 ноябрь. Ӱпым пӱчкыда гын, ончыкыжым вуйда коршташ тӱҥалмылн, тазалыкда начареммылан, пашаште нелылык лекмылн ямде лийза. Ӱпым чиялташат огеш темлалт.
Л.КАМАЛЕТДИНОВА
