Марием кочывӱдым чотак йӱеш. Тидлан кӧрак, аракам кевытыште налаш манын, сурт гыч тӱрлӧ арверым наҥгаен ужалкала. Ала каҥашым пуэда: кузе мый тудым чарен кертам?
Е.Торопова.
Йошкар-Ола.
Йодышлан Медведево районысо прокурорын кугурак полышкалышыже М.С.Егошин вашештен:
— РФ Законодательстве дене келшышын, гражданин азартный модыш дене модеш, спиртан йӱышым йӱеш але наркотик средстве дене чот пайдалана, тидлан кӧра ешым неле материальный положенийыш пурта гын, тудым суд дееспособный огыллан шотлен кертеш. Тидлан кӧра тудын попечительже палемдалтеш. Тылеч вара тудо изи бытовой сделке-влакым шке семын эртарен огеш керт, тидлан попечитель мутым куча. Но тыге гынат, тыгай гражданин погылан да тудын дене кылдалтше эҥгеклан мутым шкак кучаш тӱҥалеш. А попечитель тиде гражданинын пашадаржым, пенсийжым, моло парышыжым налеш да тудым подопечныйжылан шонымыжо семын кучылт кертеш.
С.Носова ямдылен.
