12 май гыч 12 июнь марте «Идалыкын этноблогерже» общественный премийлан конкурс кокымшо гана эрта.
Тудым «Интеллектуал» тӱвыра-увер рӱдер Этноблогер-влакын всероссийский асссоциацийышт дене пырля увертарен. Конкурс «ЭтноБлогинг тайм» регион-влак кокласе образовательный этнотуризм проектым илышыш шыҥдарыме кышкарыште эрта. Ты проект дене рӱдер Россий Президент грантым сеҥен налын. Тудо калык-влак коклаште келшен да сӧрасен илыме вашкылым, йылмым, калык тӱвырам, йӱлам, этнотуризмым, этномодым, этностильым, Российыште икоян улмым арален кодаш, ойыртемалтше вер-шӧр-влак нерген палдараш тыршыше граждан обществын лидерже, национальный блогерже-влакым рашемдаш полшышаш.
Премий икмыняр номинаций дене палемдалтеш:
«Идалыкын постшо»»,
Идалыкын блогшо»,
«Идалыкын этноблогерже» (Гран-при),
«Самырык этноблогер» (посна приз).
Конкурсыш ушнаш йодмашым 12 июнь марте пуаш лиеш. Анкетым «Интеллектуал» рӱдерын сайтыштыже верештыда.
Сеҥыше-влакым 27 июньышто, «ЭтноБлогинг тайм» регион-влак кокласе медиафорум годым палемдат.
С.Носова
