Звенигово олаште, «Мечта» тӱвыра да каныме рӱдерыште, район кӱкшытан «Мари краса-2017» шоу-конкурс эртен.
Тиде мероприятий ындеште поро йӱлашке савырнен да кажне ийын эртаралтеш.
Тений тушко Поянсола, Ӱлыл Памъял, Какшамарий ялла гыч вич участнице ушнен. Нуно мурен, куштен, кидпашам ыштен да национальный кочкышым ямдылен моштымыштым ончыктеныт.
Жюрин иктешлымашыж почеш, «Мари краса-2017» лӱмым ты гана Ӱлыл Памъял гыч Алевтина Тихонова сеҥен налын. Моло-влакат кажныже могай-гынат номинацийыште палемдалтыныт.
Л.Камалетдинова.
