Вашке, а можыч вес ийынак, Кундыштӱр психоневрологический интернатыште у сад пеледалтеш.
Ӱмаште интернатын кумдыкыштыжо площадкым ямдылыме да тушан саскан пушеҥге ден вондерым: олмапум, грушым, сливым, алычам, черешньым, вишньым, йошкар, ош да шемшоптырым – шындыме.
Тений садыште каныме кумдыкым тӱзатыме: шуко йыжыҥан пеледыш клумбым, корным ыштыме, теҥгылым мойн шындыме. Тыге, атыланыше сад эше каныме да тӱвыра мероприятийлам пайдалын эртарыме верышкат савырнен.
Интернатыште илыше ӱдыр-влак кечывалым жапыштым садым, клумбым да канаш келыштарыме у площадкым шотыш конден эртарат.
Садым торжественно почмо мероприятийыште Марий Элын социальный вияҥмаш министрже Ольга Фёдорова (снимкыште) ден республикысе психоневрологический интернатлам вуйлатыше-влакат лийыныт.
М.ИВАНОВА
