УВЕР ЙОГЫН

Шошо агалан кызытак ямдылалтман

Тичмаш вий-куат дене да лачшымак еҥ-влак лӱмеш пашам ышташ. Теве тыгай задачым шынден Марий Элым вуйлатыше Курыкмарий районын у вуйлатышыже ончылно.

Александр Евстифеев Курыкмарий муниципальный районын у вуйлатышыже Наталья Арганякова дене икымше пашаче вашлиймашым эртарен. Тудыжым тиде должностьыш районысо депутат-влакын погынымашыштын пунчалже дене шогалтыме.

Регионым вуйлатыше Наталья Арганяковам должностьыш шогалмыж дене саламлен, социальный сферын пашажлан йӧным ыштыме, туризмым вияҥдыме шотышто пеш кӱлешан ятыр задачым ончыланже шынден. Александр Евстифеев тидын годым калык дене ыштыме пашалан кугу тӱткышым ойырен. Тудо тыгак шошо агалан ямдылалтме йодышым поснак палемден. Шошо ага марте жап пеш шагал кодеш, тудлан кызытак ямдылалтман, каласен республикым вуйлатыше.

Наталья Арганякова тудлан тыгай ӱшаным ыштымылан Марий Элым вуйлатышылан таум каласен. Тудо районым экономике велым вияҥдыме, инвестицийым кычалме, инвестор-влак дене ыштыме пашам ончыкыжо шуктышаш эн кӱлешан йодыш семын палемден.

 

Марий Эл Республикым Вуйлатышын организаций да аналитике виктемжын уверже негызеш П.Шакиров ямдылен.

Опубликовать в Одноклассники

Добавить комментарий