Идалыклан ик гана пуалтше отпускым ужашлан шелын канаш лиеш мо? Отпуск годым пашаш луктын кертыт мо?
С.Михайлова.
Медведево посёлко.
Йодышлан Медведево районысо прокурорын алмаштышыже Роман Голиков вашештен:
— РФ Паша кодексын 125-ше статьяж дене келшышын, пашам пуышо ден пашаеҥ коклаште, мутланен келшыме почеш, отпускым ужашлан шелаш лиеш. Тидын годым икымше ужашыже 14 календарь кече деч шагал лийшаш огыл.
Пашаеҥым отпуск гыч тудын келшымыж деч вара веле пашаш луктын кертыт. А отпускын кучылтдымо ужашыжым вара тудо кодшо идалык мучко шонымыж семын канен але вес ийысе оптпускыш ушен кертеш.
Но латкандаш ийым темыдыме пашаеҥым, мӱшкыран ӱдырамашым але аяран да лудыкшо условиян пашаште тыршыше-влакым отпуск гыч ӱжыкташ ок лий.
