24 июньышто, Чуваш Республикын кечынже, пӱтынь чуваш калык Акатуй пайремым кумдан палемден.
Тушко Казахстан, Беларусь, Башкортостан, Татарстан, Коми республикла, Кемерово, Ленинград, Мурманск, Нижегородский, Иркутск, Самара, Ульяновк, Пенза, Тюмень, Оренбург областьла, тыгак Моско, Санкт-Петербург, Севастополь, Сыктывкар да моло ола гыч усталык коллектив-влак чумыргеныт.
Мемнан республик гыч фольклор да этнографий сынан «Марий памаш» ансамбль (вуйлатышыже – Мария Соловьёва) миен коштын. Марий коллектив «Родники России» фестивальыште мастарлыкым ончыктен да диплом дене пӧртылын.
А.БАЙКОВА
