Шуко илалше коча-кова, пенсийыш лекмек, шкаланже у сомылым кычалаш тÿналеш. Икте спорт дене кылым куча, весе мура да кушта, кумшо уныка дене шинча. А теве Татарстан кундем Агрыз районышто илыше акак-шÿжарак Елизавета Иванова, Валентина Михайлова, Зинаида Шамеева йоча годым тÿрлымыштым шарналтеныт.
Нуно, йӱштӧ теле кечын яра шинчаш огыл манын, кевытыште ойыртемалтше (йыргешке) имым, шÿртым налыныт, ош куэмыш йошкар саскам, ужар лышташым тÿрлаш тÿҥалыныт.
— Телевизорым ончен шинчымешке, тапычкым, паласым, молымат ыштена, тӱрлӧ тӱсан пеледышым кӱпчыквалыш тӱрлена. Икте весына деч тунемына, – маныт уста ӱдырамаш-влак.
Л.МИХАЙЛОВА.
