УВЕР ЙОГЫН

Чодырам уэмдаш теат полшен кертыда

Чодыра озанлык федеральный агентстве «Иле, чодыра» акцийым увертарен. Марий Элын Пӱртус поянлык, экологий да йырым-йырысе средам аралыме шотышто министерствыжат тушко ушнен да республикыште илыше калыкым 28 сентябрьыште чодырам шындыме пашашке лекташ ӱжын.

 Республикыште ты акций 21 сентябрь гыч 31 октябрь марте шуйна. Ты пагытыште Медведево районысо Куяр лесничествын тунемме-опытный лесничествыштыже, Нолькысо участкыште шарнымаш посадке-влакым ыштат. Ты пашаш ушнаш шонышо-шамыч ончылгоч районласе лесничествыш да арендатор-влак деке лекшаш улыт. Тыгак мер ушем, посна еҥ-влак пушеҥгым шындаш шонат гын, министерствыш 42-16-58 номеран телефон дене йыҥгыртен кертыт. Но пушеҥгым шындыме верыш мияш шке гыч йӧным кычалман. А теве кӱлеш инвентарьым мийымеке пуат.

 С.НОСОВА.

Опубликовать в Одноклассники

Добавить комментарий