УВЕР ЙОГЫН

«Чодырам пожар деч арален кодена»

 

Школ лесничествылаште тунемше икшыве-влаклан Марий Элын Пӱртӱс поянлык, экологий да йырым-йырысе средам аралыме шотышто министерствыже тыгай сурет конкурсым увертарен.

Тудым эртарымашке республикысе Йоча эколого-биологический рӱдер, «Рослесинфорг» ФГБУ-н, «Авиалесохрана» СГАУ-н республикысе филиалышт, «Охрана леса» АНО, Марий Элыште Чодыра дене пайдаланыше-влак ушем, «Мартрэйд» ООО да арендатор-влакат ушненыт.  

Самырык тукымым кундемнан пӱртӱс поянлыкшым йӧраташ, аралаш да шукемден толаш кумылаҥдыше мероприятийыш 1 гыч 11 класслаште тунемше-влак ушнен кертыт. Ойыртемалтше-влакым кум  категорийыште палемдат: 1-4, 5-8 да 9-11класслаште тунемше-шамыч коклаште. Пашам 9 март марте министерствыш колташ лиеш.

Сӱрет шинчаш логалше лийшаш, пропагандын шонымашыжым тӱрыс почын пуышаш. Тиде коллаж, аппликаций, але компьютер программым, графике моделированийым, дизайным  кучылтман  паша-влак лийын кертыт. Но кажне пашаште «Чодыра оролын» вияш линийжын телефонжо – 8 800 100 94 00 – лийшаш. Конкурсын условийжым министерствын сайтыштыже сайынрак пален налаш лиеш.

С.Носова

Опубликовать в Одноклассники

Добавить комментарий