Марий Элын Тазалыкым аралыме министерствыже увертара: COVID-19 деч вакцинацийым эрташ тарваныше еҥын пеленже паспорт, СНИЛС да Обязательный медицине страхованийын полисше лийшаш.
Тылеч посна пациентлан анкетысе йодыш-влаклан вашешташ да шке кумылын келшымашыш кидпалым пышташ кӱлеш. Жапым аныклаш манын, нине бланкым мӧҥгыштӧ компьютер, Интернет да принтер полшымо дене печатлен лукташ да оформитлаш лиеш.
«К вакцинации готов!» чат-ботым ыштыме. Тушто «Кугыеҥ-влаклан COVID-19 деч вакцинацийым эртарыме радам» методический темлымаш (раздел) полшымо дене чыла гаяк йодышлан, мутлан, вакцинын зиянже шотышто, вашмутым муаш лиеш.
Кызыт тиде чат-бот https://t.me/covidvak_bot. адрес дене Telegram мессенджерыште пашам ышта. Тудын содержанийже дене чыла еҥ палыме лийын кертеш, тылеч посна бланк-влакым качатлен да оформитлыме документ дене вакцинацийым эртарыме кеч-могай пунктыш миен сеҥа.
М.ИВАНОВА