3-5 апрельыште Йошкар-Олаште самырык хоккеист-влакын «Кубок надежды» республиканский таҥасымашышт лийын.
Изирак-влак группышто (10-11 ияш-влак) Красногорский поселко гыч «Мотор» (тренерже Александр Андреев) сеҥышыш лектын. Звенигово гыч «Чайка» команде (тренерже Николай Медведев) нылымше верым сеҥен налын. Эн сай вратарьланат тиде команде гыч Даниил Кузьминым, эн сай нападатлышылан «Мотор» команде гыч Юлия Воробьёвам шотленыт. «Юшут» команде гыч (Мочалище, тренерже-влак Василий Корнилов ден Иван Бобошников) Рустам Хисматов эн сай бомбардир семын палемдалтын.
Кыдалаш группышто (12-13 ияш-влак) «Юшут» эн тале лийын. «Мотор» — кокымшо верыште. Тыгак тиде тӱшкаштат икмыняр модшым палемденыт. Эн сай голкиперлан «Мотор» команде гыч Дмитрий Чубыниным, эн сай нападатлышылан «Юшут» гыч Марсель Закировым шотленыт.
14-15 ияш-влак коклаште «Юшут» кумшо верыш лектын. Ты тӱшкаште тиде команде гычак Дмитрий Сергеевым эн сай нападатлыше семын палемденыт.
Л.Камалетдинова.
