УВЕР ЙОГЫН

Ушненыт да сеҥеныт

Волжск оласе 6-шо №-ан школ пеленысе «Самырык лесник» школ лесничествын тунемшыже-влак «Земля. Природа. Родина. Будущее» всероссийский йоча литературный конкурсышто вийыштым тергеныт да икмынярын сеҥышыш лектыныт.

 Конкурсым Пӱртӱсым шымлыше-влакын Моско обществышт ден «В защиту детства» общероссийский мер толкын эртареныт. Тудо А.М.Горькийын  шочмыжлан 150 ий теммылан пӧлеклалтын.

 Конкурсын дипломантше-влак радамыш «Художественный прозо» номинацийыште Влад Мухамедзянов, Марк Марков, «Почеламут» номинацийыште Никита Дябкин, Кристина Ивашина логалыныт. А «Подсолнушек» йочасад гыч Арсений Замышкин «Эн самырык участник» семын посна грамот дене  палемдалтын. Самырык-влакым экологий шӱлышеш  шуарен толмо пашалан школ лесничествым вуйлатыше Л.А.Тимофееваланат грамотым кучыктеныт.

 С.Носова.

Опубликовать в Одноклассники

Добавить комментарий