Марий Эл правительстве коммерческий огыл организаций-влаклан физический культурым да тӱшка спортым вияҥдашышт кажне ийын грантым (50 гыч 200 тӱжем теҥге марте) пуаш лийын. Тений конкурс 22 январь гыч 20 февраль марте шуйна.
Тудым молодёжный политике, спорт да туризм министерстве эртара.
«Тӱшка спорт» направлений дене грант оксам ик организацийлан ойыралтшаш кугыт – 50 тӱжем теҥге. Тыште 20 наре сеҥышым ойырат. Нуно физкультур да спорт мероприятийым эртарышаш улыт. «Кӱшыл достижениян спорт» направлений дене грантын кугытшо – 100 тӱжем теҥге. Эн шукыжо 10 сеҥышым палемдат.
Сеҥыше-влак налме грантым таҥасымашлаште вийым тергаш, материально-технический базым уэмдаш, сборым, таҥасымашым эртараш, физкультур да спортым пропагандироватлаш кучылтшаш улыт.
Йодмашым тыгай адрес дене колтыман: 424001, Йошкар-Ола, Успенский урем 38, 208-ше кабинет. Лекше йодышым тыгак тыгай телефон дене рашемдаш лиеш: (8362) 23-27-63. Электрон почтын адресше: org-minsport208@mail.ru.
Е.ЭШКИНИНА
