2020 ий 1 ноябрь гыч 2021 ий 31 май марте ийготыш шудымо-влаклан Россий кӱкшытыштӧ «Тукым-влакын вашмутланымашышт» медиапаша конкурс заочно эрта.
Тушко ушнаш кумылан участник (тӱшка денат лиеш, но тушто кум еҥ деч шуко лийшаш огыл) материалым ямдылыме годым теве мом шотыш налшаш:
– жанр да тематике дене келшен толшо медиапаша трейлер гыч тӱҥалшаш;
– негызлан илышыште чынжымак лийше сӱретым (томаша, эҥгек, вучыдымо вашлиймаш да тулеч молат) кучылтман;
– портфолиошто тунемшын пытартыш кум ийыште журналистике, киновидеом ыштымаште, руш йылме да литератур предметла дене сеҥымашыже лийшаш.
Конкурсышто сеҥыше-влаклан (11-16 ияш-шамыч) «Бумеранг» XVI всеросcийский фестивальын финалышкыже путёвкым пуат. Тудыжо 2021 ий 7-27 сентябрьыште «Орлёнок» всероссийский йоча рӱдерыште эрташ тӱҥалеш.
Г.КОЖЕВНИКОВА
