УВЕР ЙОГЫН

Т.Евсеев лӱмеш калыкле тоштер «Интертоштер-2018» фестиваль-конкурсыш ушнен

Российыште «Интертоштер-2018» фестиваль-конкурс эрта. Тушко Марий Эл гычат Т.Евсеев лӱмеш калыкле тоштер ушнен. 

Шукерте огыл икымше тур иктешлалтын. Кокымышо турыш 173 тоштер лектын. Нунын коклаш марий тоштерат логалын. Ынде тудо шке экспозицийжым Москвасе ВДНХ-ан 75-ше павильоныштыжо ончыкташ да ныл номинаций гыч иктыштыже сеҥышаш верч тыршаш тӱҥалеш. Ӱшанен кодына, тудым сеҥымаш вуча. Вет республикысе тӱҥ тоштер, чынжымак, калыкнан историй ден тӱвыражым аралыше рӱдер манаш лиеш. Таклан огыл Йошкар-Олаш толшо турист-влак, тушко пурен лекде, нигунам огыт кай. Теве шукерте огыл тоштерыште Китай гыч уна-влак лийыныт. Тиде — Китайысе генеральный консулын Татарстаныште да Марий Элыште алмаштышыже-влак господин Чэн Вэй ден госпожа Тянь Чжи. Нуным тушто марий калыкын историйже, илыш йӱлаж дене палдареныт. Уна-влаклан эскскурсий моткоч келшен. Нуно шонымашыштым да тыланымашыштым журналышкат серен коденыт.

С.Носова.

Опубликовать в Одноклассники

Добавить комментарий