УВЕР ЙОГЫН

Тӱҥ йодыш – шочмо йылме

16 ноябрьыште Чебоксар олаште Тӱп калык йылме-влакын идалыкыштлан пӧлеклалтше «Шочмо йылмым да литературым шымлыме, туныктымо шотышто тачысе жаплан келшыше йодыш-влак» тӱнямбал шанче-практике конференций лийын. Тушто республикна гыч филологий науко кандиат, Марий образований институтын марий филологий да культурологий кафедржым вуйлатыше, Марий Элыште шочмо йылмым туныктышо-влакын ассоциаций ушемыштын председательже Елизавета Игнатьева лийын.

Тиде Чуваш Республикын Образований институт мундыр да лишыл йот элла (Испаний, Китай, Турций, Казахстан, Украин, Узбекистан), вич национальный республик (Башкортостан, Дагестан, Марий Эл, Саха (Якутий, Татарстан) тыгак Самара область да Российысе 14 ола гыч учёный-влакым чумырен. Нуно тӱп калык-шамычын йылме поянлыкышт, тудым аралыме, вияҥдыме дене кылдалтше йодышлам каҥашеныт. Тыгак шочмо йылмым да литературым туныктымаште кучылтмо учебный пособий шотыштат мутланымашым тарватыде кертын огыл.

Пленарный заседаний деч вара участник-влаклан вич секций пашам ыштен, кажныштыже шочмо йылме дене кылдалтше докладым колыштыныт. Елизавета Игнатьева (снимкыште ончылно шинчыше-влак кокла гыч шола гыч кокымшо) «Шочмо йылмылан шӱмаҥдыме пашаште электрон ресурсым кучылтмаш» темылан выступленийым ыштен.

Г.КОЖЕВНИКОВА

Опубликовать в Одноклассники

Добавить комментарий