Россий МЧС-ын Марий Элысе тӱҥ виктемышкыже регионысо калык деч палыдыме еҥ-влакын тул лӱдыкшыдымылыкым тергыме да пожар извещательым палынак кугемдыме ак дене темлыме шот дене илыме верлаш толедымышт шотышто ятыр вуйшиймаш пура. Гражданский вургеман визитёр-влак шкеныштым МЧС пашаеҥ семын палдарат, но ала-могай коммерческий организацийын документшым ончыктат.
Пожар извещательым шындыдеат лиеш, но тудо тул пижмым вигак, тӱҥалтыш йыжыҥыштак, увертара. Тыгай оборудованийым специализироватлыме кевытлаште чарак деч посна налаш лиеш.
Палемден кодыман, кугыжаныш пожар надзорын пашаеҥже-шамыч тӱлыман нимогай услугым огыт пу, тыгак нимом огыт ужале. Инспектор-влак шке пӧртыштӧ да пачерыште нимом огыт терге, граждан-шамыч деке тул лӱдыкшыдымылык правил-влакым умылтараш, консультаций шотан полышым пуаш гына коштыт. Илыме верлашке озан келшымыж деч посна пураш правашт уке.
Профилактике шотан мероприятий-влакым эртарыме годым пожар надзор кугыжаныш инспектор-шамыч Россий МЧС-ын формыж дене лийшаш, пелен служебный удостоверенийым кондыштарышаш улыт.
М.ИВАНОВА.
