СПОРТ

Тӱрлӧ нелылыкым сеҥаш тунемыт, уш-акылым пойдарат

Саратов областьыште икмыняр кече спортивно-туристский лагерьыште ӱдыр-рвезе-влак тӱрлӧ сынан таҥасымаште вийыштым тергеныт. Республикын чапшым кугурак классла гыч 32 ӱдыр-рвезе тыгак «Социально-культурный сервис да туризм» специальность дене тунемше студент-влак араленыт. Марий Элын командыже «Туриаде-2019» таҥасымаште чыла коклаште кумшо верыш лектын.

Сеҥыше-влакым Россий президентын Юл кундемысе полномочный представительже Игорь Комаров саламлен. Тудын палемдымыж почеш, Юл кундем федерал округышто «Туриаде»  тӱшка туризмым вияҥдыме шотышто творческий лабораторийлан шотлалтеш. Вет тудым лач тыште Россий кӱкшытыштӧ эртараш шонымаш шочын.

– Тений «Туриадыште» кӱлешан событий семын спорт туризмым тунемше-влакын «Президент спорт модмаш» программыш пуртымо кӱлешан событий семын шотлалтын. Тудым Россий президент Владимир Путин сайлан шотлен. Ме ты пунчалым округын чыла регионыштыжо шуктымым контрольыш налынна. Ӱшанем, тиде тӱшка спорт туризмым эшеат вияҥдаш полша, – палемден И.Комаров.

«Туриадым» Юл кундемыште ик эн кӱлешан проект палемденыт. Икымше гана тудо 2013 ийыште эртен. Тыгай шкешотан лагерьыште туризмын ик эн кӱлешан йӱлажым илышыш шыҥдарат.

 

Е.ЭШКИНИНА.

Опубликовать в Одноклассники

Добавить комментарий