Фитнес-аэробике дене тӱнямбал чемпионат ден первенствыште (тудыжо Нидерландыште эртен) Йошкар-Ола гыч «Экстрим» команде кумшо верыш лектын.
2017 ийысе чемпион пелефиналыште эн сай результатым ончыктен, а финалыште соперницыж-влак деч изишлан почеш кодын. Йошкар-Ола гычак изирак ийготан, «Аквамарин» команде, тыгаяк вер дене палемдалтын.
Тренерышт Е.Бороухинан палемдымыж почеш, ты гана программе нелырак лийын, кажне командыже сайын выступатлен.
Е.Эшкинина.
