ТАЗАЛЫК

Тыгай операцийым – икымше гана

Республиканский онкологический диспансерыште пеш неле да элыштынажат шуэн ыштыме хирургический операцийым икымше гана эртареныт.
Врач-влак кокла ийготан пациентын пурла вергыжын кӱшыл ужашыштыже пеш кугу осал пуалшым муыныт, тудо верге ӱмбал ту ден мокшышкат шарлен. Черлын илышыжым арален кодаш манын, медик-шамычын бригадышт комбинироватлыме кумда en-block нефрадреналэктомийым эртарен, тыгодым эше мокшын пурла ужашыштыже шымше сегментым пӱчкын налын. Иктешленрак каласаш гын, пурла верге да пурла верге ӱмбал ту дене пырля эше мокшын ужашыжым пӱчкын луктын.
Тыгай неле да кумда операцийым врач-онколог (онкоуролог, онкогепатолог), анестезиолог-реаниматолог-влакын мультидисциплинарный бригадыштын профессионализмыштлан да «Здравоохранений» национальный проектын «Онкологий чер дене кучедалмаш» регионысо проектшым илышыш пуртымо кышкарыште налме кызытсе жаплан келшыше у оборудованийлан (ултрайӱкан гармонический скальпель, кызытсе жаплан келшыше наркоз аппарат, пациентын состоянийжым операцийым ыштыме годым да операций деч вара аклыше монитор) кӧра ыштен кертме.
Операцийым пытартыш жапыште кучылташ тӱҥалме анестезий да ингаляционный анестетик полшымо дене хирург-влакын кок бригадышт ик жапыште ыштен.
М.ИВАНОВА

 
 

 
 
 
Ещё

 
 
 
Напишите сообщение…

 
 
 
 
 
Опубликовать в Одноклассники

Добавить комментарий