Марий Эл Республикын республиканский бюджетшын бюджетный ассигнованийжым угыч шеледыме да Марий Эл Республикын Правительствыжын резерв фондшо гыч финанс средствам ойырымо нерген
Марий Эл Республикын Правительствыжын
2017 ий 20 ноябрьысе 440-ше №-ан
пунчалже
Марий Эл Республикын тӱшкан пайдаланыме республиканский значениян Йошкар-Ола — Козьмодемьянск автомобиль корныжын 64-ше километрыштыже дорожно-транспортный азап лиймылан кӧра «Килемар муниципальный район» муниципальный образованийын территорийыштыже техногенный шотан чрезвычайный ситуаций лиймылан верч колышо-влакын еш членыштлан да тазалыкыштлан эҥгек лийме граждан-влаклан ик гана пуалтше пособийым тӱлышашлан Марий Эл Республикын Правительствыже пунчалеш:
- Марий Эл Республикын Финанс министерствыже 2017 ийлан Марий Эл Республикын республиканский бюджетшын бюджетный ассигнованийжым «Резерв фонд-влак» 0111 подразделыште 10000,0 тӱжем теҥгелан кугемдышаш.
- Марий Эл Республикын Финанс министерствыже 2017 ийлан Марий Эл Республикын республиканский бюджетшын бюджетный ассигнованийжым «Моло общегосударственный йодыш» 0113 подразделыште 10000,0 тӱжем теҥгелан иземдышаш.
- Ик гана пуалтше пособийым тӱлаш Марий Эл Республикын Социальный вияҥмаш министерствыжлан Марий Эл Республикын Правительствыжын резерв фондшо кӱшеш 16691 тӱжем теҥгем ойыраш, тидын шотыштак:
чрезвычайный ситуаций лиймылан кӧра колышо граждан-влакын еш членыштлан (ватыштлан (марийыштлан), йочаштлан, ача-аваштлан да иждивенийыште улшо еҥ-влаклан) кажне колышылан шотлымаште 1000,0 тӱжем теҥге кугыт дене ешын кажне членжылан иктӧр ужаш дене;
чрезвычайный ситуаций лиймылан кӧра колышо граждан-влакын ешыштлан тойымо шотышто услугын Россий Федерацийын законодательствыштыже палемдыме гарантироватлыме перечень дене келшышын ышталтше услугын акше ден тӧр улшо кугыт дене;
чрезвычайный ситуаций лиймылан кӧра тазалыкыштлан эҥгек лийман граждан-влаклан ик еҥлан 400 тӱжем тенге кугыт дене.
- Марий Эл Республикын Социальный вияҥмаш министерствыже колышо гражданинын еш членже-влаклан (ешыжлан) ик гана пуалтше пособийым тӱлымӧ нерген граждан-влакын йодмашышт да (але) тазалыклан эҥгек ышталтмылан кӧра граждан-влаклан ик гана пуалтше пособийым тӱлымӧ нерген граждан-влакын йодмашышт (умбакыже – йодмаш), тыгак еш членын колымыжлан кӧра ик гана пуалтше пособийым налшаш граждан-влакын спискышт да (але) тазалыклан эҥгек ышталтмылан кӧра ик гана пуалтше пособийым налшаш граждан-влакын спискышт (умбакыже – спискышт) негызеш – нуныжым Марий Эл Республикыште верысе самоуправлений орган-влак пуат – ик гана пуалтше пособийым Марий Эл Республикын Правительствыжын резерв фондшо гыч бюджетный ассигнованийым ойырымо да Россий Федерацийын Правительствыжын чрезвычайный ситуаций лийын кертме лӱдыкшым ончылгоч кораҥдыме да стихийный азапын кышажым пытарыме шотышто резерв фондшо гыч бюджетный ассигнованийым ушымо правил дене келшышын тӱлаш йӧным ыштышаш, тиде Правилжым «Марий Эл Республикын Правительствыжын резерв фондшо гыч бюджетный ассигнованийым ойырымо да чрезвычайный ситуацийым пытарыме да стихийный азапын кышажым пытарыме шотышто мерылан финанс йӧным ышташ Россий Федерацийын Правительствыжын резерв фондшо гыч бюджетный ассигнованийым ушымо нерген» Марий Эл Республикын Правительствыжын 2014 ий 31 июльысо 414-ше №-ан пунчалже дене пеҥгыдемдыме.
- Марий Эл Республикын Финанс министерствыже «2017 ийлан да 2018 ден 2019 ийласе плановый жаплан Марий Эл Республикын республиканский бюджетше нерген» Марий Эл Республикын Законышкыжо вашталтышым пуртымо нерген темлымашым Марий Эл Республикын Правительствышкыже ончаш пуышаш.
- Ик гана пуалтше пособийым тӱлымӧ радамым Марий Эл Республикын Социальный вияҥмаш министерствыже рашемден палемда.
- Тиде пунчал шукталтмым терген шогымо пашам Марий Эл Республикын Правительствыжын Председательжын Икымше алмаштышыже, Марий Эл Республикым Вуйлатышын Администрацийжым вуйлатыше С.А.Сметанинлан ӱшанен пуаш.
Марий Эл Республикын
Правительствыжын Председательже А.Евстифеев
