ТАЗАЛЫК

Транспорт уло гын, паша кая

Республикысе медицине пашаеҥ-влак у коронавирус инфекций дене ынде луымшо тылзе лым лийде кучедалыт. Тыгодым шукынжо ешыштым ужде гаяк илат, отпускыштат лийын огытыл, тазалыкышт нергенат монденыт. Калыклан, поснак илалше еҥ ден инвалид-влаклан, эмым, кочкышым, кӱлешан моло сатум кондыштарыше волонтёр ден социальный пашаеҥ-шамычланат куштылгыжак огыл…
Коронавирусын пандемийже пагытыште пашам ышташ каньылырак лийже манын, Марий Элын Тазалыкым аралыме министерствыже, районласе да олаласе администраций, предприятий, депутат, доброволец, волонтёр-влак регионысо олалаште да районлаште верланыше медицине ден социальный организацийлашке, волонтёр рӱдерлашке тӱрлӧ маркан эше 55 автомобильым ойыреныт, ты чот гыч 30 транспортшым – медицине тӧнеж-шамычлан.
Таче кечылан Марий Элысе чыла медицине тӧнежыште да волонтёр рӱдерыште келшыше транспорт уло.

М.ИВАНОВА

Опубликовать в Одноклассники

Добавить комментарий