УВЕР ЙОГЫН

Тау тыланда!

12 майыште, Медсестра-влакын тӱнямбал кечыштлан, Общероссийский калык фронтын Марий Элысе пӧлкажын да «ОНФ-ын молодёжкыжо» командын чолга еҥже-влак #Ме пырля улына акций кышкарыште Йоча республиканский клинический больницын медицине пашаеҥже-шамычым профессиональный пайремышт дене саламленыт.
Нуно эмлымвер ончылнысо асфальтыш тӱрлӧ тӱсан пор дене сылне пеледышым сӱретленыт, «ТАУ» мутым возеныт да ош халатан герой-влаклан шере кочкышым пӧлекленыт.
«Таче те изи пациентна-влаклан эн лишыл айдеме улыда, нелылыкым шотыш налде, нунылан йӱдшӧ-кечыже полшеда. Кугу пашам шуктымыланда да поро шӱм-чонланда тау тыланда!» — саламмутым каласен Общероссийский калык фронтын Марий Элысе пӧлкажын сопредседательже Александр Кузнецов.

М.ИВАНОВА

Опубликовать в Одноклассники

Добавить комментарий