Школышто тунемше 13 ияш ӱдырым мӱшкыраҥдыше 48 ияш пӧръеҥ шотышто тиде кечылаште суд лийын.
Медведево районысо суд тудым 6 ийлан эрык деч посна кодаш пунчалым луктын.
Пӧръеҥ ӱдырым марлан налаш шонен. Нуно кодшо ий сентябрь гычак вашлийыт улмаш. Ӱдырын азажын ачаже эсогыл ватыж дене ойырлаш ямдылалтын.
Мо оҥайже, тымартеат пӧръеҥым ик гана веле огыл уголовно мут кучаш шогалтеныт улмаш. Кызытсе сынан преступленийым ыштымыжланат тудо ончычат титаклалтын.
Тиде приговорым шӧраш пӧръеҥ 10 кече коклаште йодмашым пуэн кертеш.
Л.Камалетдинова.
