УВЕР ЙОГЫН

Статистикыште йоҥылыш каен

Марий Элын Тазалыкым аралыме министерствыже эртыше суткаште регионыштына коронавирус деч ик еҥын гына колымыжым пеҥгыдемда.
Тазалыкым аралыме министрын алмаштышыже Татьяна Бастракова «Стопкоронавирус.рф» сайтын Марий Эл шотышто пытартыш официальный данныйжым – республикыштына у коронавирус инфекций деч эше кок еҥын колымыж нерген увержым – шӧрен каласен.
— Мемнан дене пытартыш суткаште колымо кок случай уке, — рашемден тудо. – Мый коронавирус инфекций деч тымарте чылаже кок еҥын илыш гыч кайымжым веле пеҥгыдемдем. Ӱмыр лугыч лийше кокымшо черле ӱдырамаш коронавирус деч посна эше шодо рак дене орланен.
Т.Бастракован мутшо почеш, Марий Элын Тазалыкым аралыме министерствыже официальный данныйыш колымо кумшо случайым ешарыме шотышто Москвасе Оперативный штаб дене мутланаш тӱҥалеш.

М.ИВАНОВА

Опубликовать в Одноклассники

Добавить комментарий