Йошкар-Оласе Социально полшымо рӱдерыште электрон черет пашам ышта.
Тудын палынак йӧнан улмыжым оласе-влак февраль тӱҥалтыште умыленыт. Кок арня жапыште специалист-шамыч деке 2,5 тӱжем талоным налыныт, тӱрлӧ услуго дене тылечат шуко пайдаланеныт. Иканаште кок йодышым рашемдаш толмеке, специалист-влак нуным черетым виктарыме системе полшымо дене вес окнашке колтеныт.
Электрон черетын йӧнан улмыжым социальный полышым пуымо рӱдерын специалистше-шамычат, приёмыш толшо граждан-влакат кӱкшын акленыт.
Электрон черетым ыштымылан кӧра ынде граждан-шамычлан кӱлешан окнам кычал коштман огыл. Рӱдерынат пашаже воранен толеш.
Ушештарена: электрон черетым Йошкар-Оласе да Медведево районысо Социально полшымо рӱдерлашке келыштарыме.
М.ИВАНОВА.