Апрельыште Кугу Отечественный сарын инвалидше ден участникше-влак Сеҥымаш кече вашеш выплатым налыт.
10 тӱжем кугытан тыгай выплате нунылан ий еда ойыралтеш. Тений тудым апрельысе пенсий дене пырля пуат.
Выплате Россий Пенсий фондын органыштыже улшо документ, ты шотыштак ведомство-шамыч кокласе кыл гоч налме увер негызеш йодмаш деч посна палемдалтеш.
Иканаште кок пенсийым: иктыжым – Россий Пенсий фонд гоч, кокымшыжым – силовой ведомство гоч, налше-влаклан выплате Пенсий фонд гоч ойыралтеш.
Марий Элыште ик гана тӱлыман тыгай выплатым 119 ветеран, ты шотыштак сарын 19 инвалидше, 100 участникше, налеш.
М.ИВАНОВА
