2020 ий декабрьыште Марий Элыште муно, пакчасаска, ювелир ӱзгар, шине шергештыныт, ужар чай ден шовын шулдештыныт.
Маристатын увертарымыж почеш, кочкыш сату тӱҥ шотышто муно ден пакчасаскалан акым кугемдымылан кӧра шергештын.
Пакчасаска кокла гыч кияр 55,5 процентлан шергештын, помидор – 30,6 процентлан, пареҥге – 11,7 процентлан, йошкарушмен – 9,1 процентлан, ош вуян ковышта – 8,8 процентлан, олма – 7,8 процентлан. Тыгодымак апельсин тылзе жапыште 6,8 процентлан шулдештын.
Кочкыш сату кокла гыч томатан консервын акше 5,5 процентлан кугемын, кӧргыдымӧ кылмыктыме колын (лосось деч молын) — 4,3 процентлан, майонезын – 4,2 процентлан, какаон – 3,2 процентлан, йӱкшыктарыме да кылмыктыме чыве ден печеньын – 3,1 процентлан.
Эн чот сакырложаш шулдештын – 4,9 процентлан, кочмо шинчал – 4,1 процентлан, ужар чай – 3,3 процентлан.
Кочкыш огыл сату кокла гыч палынак ртутян медицине термометр шергештын – 34,2 процентлан, окна янда – 9,3 процентлан, ювелир ӱзгар – 9,1 процентлан, легковой автомашиналан шине – 6 процентлан, металл черепице – 5,9 процентлан, изи толкынан коҥга – 5,6 процентлан.
Ик эн кӱлешанлан шотлалтше сату кокла гыч пӱйым эрыктыме щёткын акше 4 процентлан кугемын, гигиенический прокладкын – 3,6 процентлан, вургемым мушмо порошокын – 2,7 процентлан, сурт янлыклан ямдылыме кукшо корман – 2,5 процентлан, йоча подгузникын – 1,4 процентлан, пӱйым эрыктыме пастын – 1,2 процентлан, туалетный кагазын – 0,8 процентлан, дизель топливын – 0,6 процентлан, шырпын – 0,5 процентлан. Тыгодымак озанлык шовынын акше 1,4 процентлан иземын.
Тылеч посна, шӱргыш йыгыме крем 1,8 процентлан шулдештын, йот сатулымо маркан фильтран сигарет — 1,5 наре процентлан.
М.ИВАНОВА
