СОЦИАЛ ИЛЫШ

Сату шергештын гын…

Айдемын ик тылзыште илен лекташ лийме эн изи кугытшат кӱзышаш. Марий Элыште 2019 ий I кварталыште илен лекташ лийме эн изи кугытым рашемдыме.

Тудын дене келшышын, ик еҥын илен лекташ лийме эн изи кугытшо кокла шот дене  9536 теҥге лийын, пашам ыштен кертшын – 10165 теҥге, пенсионерын – 7832 теҥге, йочан – 9816 теҥге.

Тыге, ик еҥын тылзыште илен лекташ лийме эн изи кугытшо кодшо квартал деч 7,76 процентлан кӱзен. Тидыже эн ончычак пакчасаска, макарон изделий, муно да моло кочкыш сату шергештме дене кылдалтын.

Кодшо ий тыгаяк жап дене таҥастарымаште ик еҥлан тылзыште илен лекме эн изи кугыт кокла шот дене 8,29 процентлан кӱзен.

М.ИВАНОВА

Опубликовать в Одноклассники

Добавить комментарий