КАЛАСЕ, "МАРИЙ ЭЛ"

САТУМАТ ОК НАЛ, ОКСАМАТ ОК ПӦРТЫЛТӦ

Йошкар-Оласе ик кевытыште музыкальный центрым нальым. Гарантий жапыште техникыште ситыдымаш лекте. Продавецлан сатум мӧҥгеш наҥгайышым да акшым пӧртылташ йодым. Тудо сатум упаковко деч посна налаш да оксам пӧртылташ тореш лие. Мемнан кокла гыч кӧжӧ чын?

Э.Зайков.

Оршанке район.

 

Йодышлан Марий Элысе Роспотребнадзор виктемын пресс-службыжым вуйлатыше Е.Желонкина тыге вашештыш:

– Сатушто ситыдымашым мумо годым, ты шотышто продавец ден налше шке коклаштышт кутырен келшен огытыл гын, «Потребительын праважым аралыме нерген» закон дене келшышын, потребитель сатум продавецлан пӧртылтен, олмешыже оксам, тыгаяк але вес сатум налын, сату акым шулдештарен, сатусо ситыдымашым продавец кӱшеш кораҥден кертеш.

Ситыдымашан сатум пӧртылтымӧ годым упаковко обязательный требованийлан ок шотлалт.

М.ИВАНОВА.

Опубликовать в Одноклассники

Добавить комментарий