ПАТЫРЛЫК

Салтак лияш ямдылат

15 мартыште Морко посёлкысо 6-шо №-ан школышто республикысе патриотический воспитаний да спорт рӱдер ты кундемысе военно-патриотический ушем-шамычын вуйлатышыштлан «Изирак командир-влакын школышт» мероприятийым эртареныт.

Тиде школын пашаеҥже-влак уна-влакым шокшын саламленыт. Тушко военно-патриотический воспитаний дене кылдалтше рӱдер гыч специалист-шамыч С.Чеканов, М.Пуртов, республикысе сборный пунктышто верланыше военный службыш контракт почеш служитлаш каяш еҥ-влакым налме сомылым шуктышо Б.Салдаев миеныт.

– Ме тыгак кадет, юнармеец, курсант-влаклан подразделений дене кузе пашам ышташ кӱлмым, строевой да тактике дене ямдылалтме негызым  умылтаренна. Тӱҥ шонымашнаже – военно-патриотический клуб, рӱдер-влакын  вуйлатышыштым туныкташ, ты пашам республикыште кӱлеш семын вораҥдарен колташ, – ойла Борис Салдаев. 

Мероприятий пайдалын эртен.

Тыгай сынан вес мероприятий («Изирак командир-влакын школышт») март мучаште Шернур посёлкышто лиеш.

Е.Эшкинина.

Опубликовать в Одноклассники

Добавить комментарий