УВЕР ЙОГЫН

Рӱдола: таче да эрла: Тергымаш умбакыже шуйна

Паша законодательствын йодмашыже-влакым чыла организаций ден предприятий шукта мо? Чаманен каласыман, уке. Садлан южо вере пашаеҥ-влак официально огыл тыршат, нимогай социальный полышым огыт нал, южо вере пашадарымат жапыштыже да чыла огыт пу, а вуйлатыше бюджетыш нимогай налогым ок тӱлӧ. 

Тыгай-влакым «яндар вӱдыш лукташ» Йошкар-Ола администраций пелен пашадарым да страховой взносым тӱлымӧ шотышто дисциплиным пеҥгыдемдыме йодыш дене кылдалтше комиссийым ыштыме. Тений январь-майыште тудо 17 заседанийым эртарен, тушко чумыр налмаште 130 вуйлатышым ӱжмӧ. Тыге 2018 ий 22 майлан 1844 еҥым официально пашаш пуртымо.

Тидын деч посна рӱдолан администрацийже пеленак чумырымо паша группо кажне арнян рӱдолаште регистрироватлалтше предприятийлаш, организацийлаш лектын коштеш. Тушко мэрийыште тыршыше, полиций да налог службын пашаеҥыштым пуртымо. Ик тыгай рейдыште закондымын предприниматель пашам ыштышым вашлийме, тудын ваштареш административный правам пудыртымо шотышто делам тарватыме.

Паша законодательствым пудыртымо дене кылдалтше тергымаш Йошкар-Олаште умбакыже шуйна.

Г.Кожевникова

Опубликовать в Одноклассники

Добавить комментарий