ГАЛЕРЕЙ

Российын кечыж лӱмеш

   Сеҥымашын ХХХ идалыкше лӱмеш полатыште Российын кечыжлан пӧлеклалтше фотоконкурс эртен. Тушко войзаш йӧратыше да профессионал-влак ушненыт.

Конкурсын жюри председательже Андрей Шестаков каласыш:

  –  Участник-влак пашаштым  3-6 фотом – электрон файл дене пуэныт, но южо 10-20 наре темлен, сандене  ме  тыгайлан  баллым иземденна, молан манаш гын ойыраш неле. Заданий почеш, автор эн ончычак темым ойрышаш, вара сюжетым ыштышаш, а тидлан мастарлык кӱлеш.  Эн сай фото-шамычым посна номинаций почеш палемденна.

 Мутлан, Михаил Скобелевын «Нуно Шочмо элым араленыт» серийжым налаш. Тиде темым умбакыжат эре ончыкташ шонена. Тудым «Историй поянлыкым аралыме верч» номинацийыште палемденна. Виктор Руденко «Кугу план» номинацийыште сенышыш лектын.  Российын да Марий Элын сулло сӱретчыже Измаил Ефимов — «Волгыдо  решений верч» номинацийыште. «Ойыртемалтше шонымаш»  номинацийыште – Сергей Забиякин. «Эн сай художественный фотопаша» номинацийыште — Елена Злобина. Тӱсым шотыш налаш гын, эн  чот шинчалан йошкарге перна, тудым эре ужына. «Йошкарге» номинацийыште сӱретче Татьяна Сагельдина сеҥен. Алексей Буйских «Пейзаж» номинацийыште ялысе илышым почын  ончыктен. «Эн сай композиций решений» номинацийыште  ончылно самырык фотограф Анна Скворцова лийын.  Тудо латкуд  ияш веле, но «Йошкар-Ола»  газетлан фото-влакым ышта. Тыге I степенян диплом дене Сергей Фурсов палемдалтын, II степенян дене –  Максим Цуканов, III степенян дене – Ульяна Затейщикова. Тау чылалан: фото-влак.  оҥай улыт. Коллектив-шамыч коклаште икымше верым «Феникс» калык фотоклуб налын, кокымшыш – Йошкар-Оласе ДТЮ-н студийже лектын. Палемдыман, ме кажне ийын «Фотосушка» конкурсым эртарена, тушто  эн шуко – 22 — йӱкым – Сергей Фурсов поген. Сергей Дмитриевич палемдлыш: – Ме икгай огынал, кажнынан – шке шинчаончалтышна. Иктылан янлык келша, а весылан – пӱртӱс, пейзаж. Сандене фото-влакат тӱрлӧ лийшаш улыт. Тений калык фотоклуб Санкт–Петербургыш фото-влакым колтен, тыгак «Берега» фото-конкурсыш ушнен.

М.СКОБЕЛЕВ

Авторын да конкурсант-влакын фотошт: 111 – С.Фурсов.  1 — С.Фурсовын  «Композиция и свет» серий гыч, 2. — Т.Сагельдинан «Йошкарге» серий гыч,  3.-  С.Забиякинын  фотожо. 444«Нуно шочмо элым араленыт»  серий гыч.  М.Скобелевын

Опубликовать в Одноклассники

Добавить комментарий