1 июньышто, Йочам аралыме тӱнямбал кечын, Кужэҥер район администрацийын загс пӧлкаштыже 14 ийым темыше А.Андреевлан, Г.Ельмекеевлан да А.Петуховлан Россий Федераций гражданинын паспортшым торжественно кучыктеныт.
Загс пӧлкам вуйлатыше Н.Дудина рвезе-шамычым паспортын историйже дене палдарен, событийын кӱлешлыкшым ушештарен, шочмо кундемлан ӱшанле лияш тыланен. Гражданинын тӱҥ документшым Россий МВД-н 5-ше №-ан «Сернурский» полиций пӧлкажын начальникше А.Андреев ден Миграционный пунктым вуйлатыше О.Ярыгина кучыктеныт. Россий Федерацийын самырык гражданже-влакым «Кужэҥер муниципальный район» муниципальный образованийым вуйлатыше, депутат-влак погынымашын председательже, «Единый Россий» партийын верысе пӧлкажын секретарьже О.Фокина шокшын саламлен.
М.ИВАНОВА.
