Российын Пӱртӱс поянлык да экологий министерствыже да В.И.Вернадский лӱмеш правительственный огыл экологий фонд Пӱртӱсым аралыме всероссийский обществе, «Российын заповедникше-влак» экспоцентр» АНО да «ГРИНЛАФ» межрегиональный экологий мер организаций дене пырля «Эн сай эковолонтер отряд» всероссийский конкурсым увертареныт.
Тудо самырык-влак коклаште регионым вияҥдаш полшышо, эклого- практический пашам шуктышо, социально-ориентироватлыме ӱдыр-рвезе-влакым рашемдымашке виктаралтын. Тушко 10 деч кугурак ийготан волонтёр отрядлаште ыштыше ӱдыр-рвезе-влак ушнен кертыт.
Конкурс икмыняр номинаций дене эртаралтеш:
— «Заповедник-влаклан полшена» (посна аралыме кумдыклаште ыштыше волонтер отряд-влакын проектышт).
— «Эковолонтёр-влак эҥер ден ер-шамычлан» (вӱд объект-влакым эрыктыме дене кылдалтше волонтёр проект-влак).
«Чодыра волонтер-влак» (чодырам уэмден да арален толмо паша дене кылдалтше проект-влак).
«Олан эковолонтержо-влак» (оласе урем ден кудывече-влакым тӱзатыме паша проект-влак).
«Шӱкшаклан — уке» (экологий да волонтёр тематике дене кылдалтше увер-просветительский да медиаресурсым шарыме да ыштыме проект-влак).
Конкурсыш материалым 15 ноябрь марте колтен шуктыман. Тудын нерген рашрак : http://www.vernadsky.ru сайтыште пален налаш лиеш.
С.Носова.
