СОЦИАЛ ИЛЫШ

Поро кумыл акций: Сем терапий дене иктак

Йошкар-Олаште Кутырымо патологий да нейрореабилитаций рўдерыште эмлалтше йоча-влаклан поро кумыл концерт лиеш. 

Организатор-шамыч кокла гыч иктыжын, Светлана Шапкинан, увертарымыж почеш, 28 ноябрьыште 18 шагатлан Палантай лўмеш тўвыра да сымыктыш колледж Республикысе кутырымо патологий да нейрореабилитаций рўдерыште поро кумыл концертым ончыкта. Музыкальный школын тунемшыже-влак да колледжын ик студентше баян да флейте дене шоктат.

Тыгай сынан концерт рўдерын пациентше-влаклан ынде ятыр ий эртаралтеш. Тидыже йоча-влаклан сем терапий дене иктак. Колледжын студентше-шамыч нунын деке концерт дене идалыкыште 4-5 гана коштыт.

М.ИВАНОВА.

Опубликовать в Одноклассники