Теле жапыш куснымылан кӧра Йошкар-Ола-Казань, Йошкар-Ола-Табашино кӱртньыгорныла дене кудалыштше поезд-влакым расписаний гыч кораҥдат. Тиде пассажир-влакын шагалеммышт дене кылдалтын, вет дачник-шамыч сад-пакча пашам мучашленыт, отпуск пагытат эртен гаяк.
Расписаний гыч нине поездым кораҥдат:
— 16 октябрь гыч – 6383-шо №-ан Казань-Йошкар-Ола да 6453-шо №-ан Йошкар-Ола-Табашино;
— 17 октябрь гыч — 6452-шо №-ан Табашино-Йошкар-Ола да 6382-шо №-ан Йошкар-Ола-Казань.
Ола воктенысе станцийлашке кудалыштше поезд-влакын расписанийышт нерген тичмаш вашмутым 8 (937) 625-04-33 номеран телефон (сутка мучко), «Содружество» АО-н сайтше, тыгак «Пригород» да «РЖД Пассажирам» мобильный приложенийла полшымо дене налаш йӧн уло.
М.ИВАНОВА
