ООО директор Д.Пеговын 2018 ий 4 майыште лукмо ЦПП-12/п №-ан порученийже дене келшышын, «Содружество» пригородный пассажир компаний увертара: 2018 ий 1 август гыч ола воктенсе поезд-влакын тарванымышт, кудалмышт да миен шумышт маршрут эртыме субъектын шагат поясше почеш ончыкталтеш.
«Содружество» АО корныш тарваныме деч ончыч пассажир-влаклан поезд-шамычын расписанийыштышт вашталтышым шотыш налаш темла. Чыла йодышым компанийын официальный сайтыштыже, «Пригород» мобильный приложенийыште, уверым пуышо стенд ден мониторлаште, тыгак 89376250433 номеран телефон дене рашемдаш лиеш.
М.ИВАНОВА.
