Марий калык погын вашеш

Паша ышталтеш

Мут – делегатлан

Игорь Эштуков, Мер Каҥашын еҥже, «Историй да тӱвыра памятниклам аралымаш шотышто научно-производственный рӱдер» пашаеҥ:

Кызытсе марий самырык тукымын тӱҥ проблемыже – тӱвырам, йӱлам, йылмым шагал палымаш. Тиде экшыкым кораҥдаш шонен, пытартыш ийлаште район, Россий кӱкшытыштӧ тӱрлӧ паша ышталтын.
Мутлан, Мер Каҥаш дене пырля 2016 ий гыч «Марий самырык тукым слёт», «Кравец» форум эртаралтыныт. Советский ден Звенигово районла икымше гана верысе кӱкшытыште  эртаралтше слётыш ӱдыр-рвезе-влакым чумыреныт.  Тыгак республик мучко йыргешке ӱстел, сессий, вашлиймаш-влак лиеденыт. Марий тӱвыра рӱдерат шуко мероприятийым эртарен.

           Марий тӱвырам арален кодаш да вияҥдаш эше шуко мо ышталтшаш. Татарстан, Пошкырт, Удмуртий, Свердловск, Угарманский, Киров кундемла гыч чолга еҥ-влакат ты пашам кызыт сайын виктарат. Нунылан кугу таум каласем.

Опубликовать в Одноклассники

Добавить комментарий