18-22 февральыште Марий Эл Республикыште «Самырык профессионал-влак» (WorldSkills Russia) регион кӱкшытан VII Открытый чемпионат эрта. Тудо 18 февральыште 10 шагатлан Йошкар-Олаште, Самырык-влак полатыште, торжественно почылтеш. Тений чемпионатыште 180 участник мастарлыкшым ончыкта: 14-16 ияш марте 5, а 16-22 ияш-влак – 23 компетенций (номинаций) дене. Сеҥыше-влак регионын сборныйышкыжо пурталтыт. Тудыжо тений майыште Озаҥыште эртыше отборочный таҥасымаште да финалыште вийжым терга.
6 чемпионат лийын
Ушештарена, WorldSkills – тӱнямбал коммерческий огыл толкын. Тудын тӱҥ шонымашыже – пашазе профессийым вияҥдаш, авторитетшым нӧлташ.
Российын регионжо-влак кокла гыч ты толкыныш Марий Эл ик эн ончыч, 2012 ийыштак, ушнен. Тыге 2013-2018 ийлаште республикна чылаже 6 тыгай чемпионатым эртарен, а 2013 ийыште «Самырык профессионал-влак» кокымшо всероссийский Ассамблейыш Российын 31 субъектше гыч ӱдыр-рвезе-влак чумыреныт, тыгак ӱмаште юниор-влакын таҥасымашышт лийын.
Открытый статусан – икымше гана
Тенийысе чемпионатыште шкенан ӱдыр-рвезе-влак дене пырля мастарлыкым Российын икмыняр регионжо – Татарстан да Чуваш республикла, Хант-Манси автономный округ (Югра), Моско ола, Самара область – гыч участник-шамыч ончыкташ тӱҥалыт.
Ме нунын дене кугешнена!
«Самырык профессионал-влак» (WorldSkills) чемпионатлаште республикнан техникум ден колледжлаштыже тунемше-влак кугу сеҥымашыш шуыныт:
Юрий Александров (Йошкар-Оласе строительный техникум) – WorldSkills Russia 2013 Икымше национальный чемпионатыште (Тольятти олаште) «Кермычым оптымаш» компетенций дене Российын чемпионжо, WorldSkills International-2013 42-шо Тӱнямбал чемпионатын (Лейпциг олаште) участникше
Евгений Васильев (Йошкар-Оласе строительный техникум) – 2014 ийыште Озаҥыште эртыше WorldSkills Russia 2014 II Национальный чемпионатын «Кермычым оптымаш» компетенций дене Российын чемпионжо, 2015 ийыште СНГ-н чемпионжо, WorldSkills International -2015 43-шо Тӱнямбал чемпионатын (Сан-Пауло олаште) участникше.
Павел Казанцев (снимкыште) (Йошкар-Оласе строительный техникум) – Euroskills Gothenburg-2016 (Гётеборг олаште) Европысо чемпионатын, тыгак 2017 ийыште Абу-Даби олаште эртыше Тӱнямбал чемпионат-влакын «Кермычым оптымаш» компетенций дене участник.
Павел Виноградов (Йошкар-Оласе строительный техникум) – 2017 ийыште «Самырык профессионал-влак» V Национальный чемпионатын финалжын (Краснодар олаште) «Плиткым оптымаш» компетенций дене бронзо призёр.
Татьяна Мосунова (снимкыште) (Торговльо-технологий колледж) – 2016 ийыште WorldSkills Russia ПФО Национальный чемпионатын пелефиналыштыже «Ресторан сервис» компетенцийыште бронзо призёр.
Кирилл Бадьин ден Данила Симаков (Индустрий да предпринимательстве колледж) – 2018 ийыште VI Национальный чемпионатын «Предпринимательстве – юниор-влак» компетенций дене бронзо призёр-влак.
Марий Элын кок студентше WorldSkills Russia-н Национальный сборныйышкыжо пурат. Тиде –
Константин Микутов (Йошкар-Оласе строительный техникум) «Плиткым оптымаш» компетенцийыште;
Наталья Иванова (Торговльо-технологий колледж) «Ресторан сервис» компетенцийыште.
Марий Эл Республикыште
«Самырык профессионал-влак» (WorldSkills Russia)
VII Открытый региональный чемпионат
18-21 февральыште компетенций дене таҥасымаш-влак
Компетенций Конкурс площадке
Кермычым оптымаш Йошкар-Оласе строительный
Кермычым оптымаш техникум
(юниор-влак) (Йошкар-Ола, Кремлёвский урем, 32)
Плиткым оптымаш
Сантехнике да отоплений
Маляр да декоративный паша
Коҥгам оптымаш
(презентаций сынан)
Рекрутер (презентаций сынан)
1С платформышто Йошкар-Оласе технологий
бизнеслан IT решений: колледж
Предприятий 8 (Йошкар-Ола, Кремлёвский урем, 22)
Сеть да системе администрирований
Предпринимательстве
Предпринимательстве, юниор-влак
Бизнеслан программе решений Марий радиомеханический
Бизнеслан программе решений, техникум
юниор-влак (Йошкар-Ола, Пушкин урем, 27)
Веб-дизайн да разработко
ЧПУ-ан станоклаште токарь паша
Повар паша Торговльо-технологий колледж
Кондитер паша (Йошкар-Ола, Строитель-влак
Ресторан сервис урем, 62)
Отельым администрироватлымаш
Модо технологий Йошкар-Оласе сервис
Парикмахер искусство технологий техникум
Парикмахер искусство, юниор-влак (Йошкар-Ола, Краснофлотский
урем, 15)
Медицине да социальный ончымаш Йошкар-Оласе медицине
колледж (Пролетарский урем,
68)
Ландшафт дизайн Марий чодыра озанлык
техникум (Йошкар-Ола,
К.Либкнехт урем, 54)
Изирак класслаште туныктымаш Марий кугыжаныш
университет (Йошкар-Ола,
Кремлёвский урем, 44)
Дошкольный воспитаний Оршанкысе И.К.Глушков
лӱмеш шуко профилян
колледж (Оршанке посёлко,
Гагарин урем, 4)
Электромонтаж Транспорт-энергетике
Электромонтаж, юниор-влак техникум (Чакмарий села,
Центральный урем, 15)
Чемпионатын паша программыже
18 февраль
11.00 – 12.00 шагат
«Марий Эл Республикын экономикыжлан кадрым ямдылаш кыдалаш профессионал образований системым уэмден вияҥдымаш» темылан пленарный заседаний.
(Самырык-влак полат. Йошкар-Ола, Зелёный урем, 1.)
16.30-18.30 шагат
Республикын унаже-влаклан экскурсий.
19 февраль
9.30-10-30 шагат
«МарГУ-што самырык профессионал-влак» (WorldSkills Russia) толкыным вияҥдымаш: проблемыже да ончыкылыкшо» «йыргешке ӱстел». (Марий кугыжаныш университет. Йошкар-Ола, Кремлёвский урем, 32, лудмо зал.)
20 февраль
10.00-12.00
«Ик эн йодмашан профессий да специальность-влак дене ФГОС образовательный программым илышыш шыҥдарыме практический йодыш-влак» ӱчашымашан площадке. (Йошкар-Оласе технологий колледж. Йошкар-Ола, Кремлёвский урем, 32.)
10.00-11.00
«Демонстрационный экзамен формат почеш выпускник-влакым ямдылыме пашан лектышыже» «йыргешке ӱстел». (Йошкар-Оласе строительный колледж. Йошкар-Ола, Кремлёвский урем, 32.).
10.00-12.00
«Жапын йодмыжо да профориентаций пашам вияҥдыме шотышто йодыш-влак» «йыргешке ӱстел». (Йошкар-Оласе торговльо-технологий колледж. Йошкар-Ола, Строитель-влак урем, 62.)
12.00-13.00
«Чоҥымо отрасльлан да илыме-вер коммунал озанлыклан кадрым ямдылыме системым уэмдымаш» ӱчашымашан площадке. (Йошкар-Оласе строительный техникум. Йошкар-Ола, Кремлёвский урем, 32.)
21 февраль
10.00-11.00
«Самырык-влакын профессийым ойырымышт» ӱчашымашан площадке. (Йошкар-Оласе радиомеханический техникум. Йошкар-Ола, Пушкин урем, 27.)
11.30-13.00
2019 ийыште Озаҥыште эртышаш «Самырык профессионал-влак» чемпионатын программыж дене палдарымаш. (Йошкар-Оласе строительный техникум. Йошкар-Ола, Кремлёвский урем, 32.)
11.30-13.00
«Социальный партнёрство: чодыра озанлык сферыште пашам пуышо-влак дене вашкыл» «йыргешке ӱстел». (Йошкар-Оласе чодыра озанлык техникум». Йошкар-Ола, К.Либкнехт урем, 54.)
14.00-16.00
«Проект паша – кочкыш индустрий, дизайн да куштылго промышленность профиль дене специальностьлан ямдылыме пашан качествыжым саемдаш условий» (Йошкар-Оласе сервис технологий-влак техникум. Краснофлотский урем, 15.)
22 февраль
13.00-14.00
Школышто тунемше-влаклан мастер-класс-влак. (Самырык-влак полат. Йошкар-Ола, Зелёный урем,1.)
14.00-15.00
«Самырык профессионал-влак» (WorldSkills Russia) регион кӱкшытан VII Открытый чемпионатым торжественно мучашлымаш. (Самырык-влак полат. Йошкар-Ола, Зелёный урем, 1.)
19-21 февраль
10.00-16.00
Студент да школышто тунемше-влаклан профориентаций мероприятий-влак. (Конкурс площадкылаште эртат.)
Г.Кожевникова.
