Марий Элыште «Илыме верым легально огыл айлымылан – стоп» акций шуйна.
Марий Элысе налог службо ден миграций йодыш шотышто службо пашаеҥ-влак йот элла гыч толшо граждан-влакын регистрироватлалтме адресышт почеш рейдым эртарат. Нуно пачер оза-влакын еҥ-шамычым илаш пуртымо дене налме парышыштлан декларацийым ыштыме деч шылаш тӧчымыштым рашемдат.
Акцийым увертарыме деч вара эртыше кок кече жапыште гына нине службо пашаеҥ-влак 10 адресым тергеныт. Тушто Индий, Ирак, Таджикистан гыч граждан-влак регистрироватлалтыныт. Пӧлемым айлымылан ик тылзылан нуно 4000 гыч тӱҥалын, шуко пачашан пӧртлаште пачерым айлымылан 15000 теҥге марте тӱлат. Чыла пачер оза-влакым налог декларацийым пуаш Йошкар-Оласе налог инспекцийыш ӱжыктеныт.
Налог службо пашаеҥ-влак ушештарат: Россий Федерацийын Налог Кодексшын 229-ше статьяжын 1-ше пунктшо дене келшышын, налог декларацийым жапыштыже пуыдымылан мутым кучаш шогалтат, палдара Россий ФНС-ын Марий Эл Республикысе управленийже.
Л.Камалетдинова.
