УВЕР ЙОГЫН

Паремшыжат шуко, черланышыжат шагал огыл

Марий Элын Тазалыкым аралыме министерствыжын увертарымыж почеш, у коронавирус инфекцийын пандемийже тӱҥалме жап гыч 30 апрель марте республикнан инфекционный стационарлаж гыч паремше 243 пациентым мӧҥгӧ колтымо, ты чот гыч 121 черле у коронавирус инфекциян лийын.
30 апрель эрдене регионысо шым стационарыште 239 пациент, ты шотыштак коронавирусан 87 черле, умбакыже эмлалтын:
Йошкар-Оласе больницыште – 124;
Йоча республиканский клинический больницыште – 11;
Звенигово районысо рӱдӧ больницыште – 20;
Козьмодемьянск межрайонный больницыште – 17;
Волжск оласе рӱдӧ больницыште – 17;
Марий Турек районысо рӱдӧ больницыште – 30;
Медведево районысо рӱдӧ больницыште – 20.
60 еҥ неле состоянийыште, 165 пациентын тазалыкшым врач-влак «нелылыкын кокла йыжыҥже» семын аклат, латнылытыным – «нелылыкын куштылго йыжыҥже» семын. Кок пациент шодым искусственно вентилироватлыме йӧн дене шӱла, 102 черлылан кислород кӱлеш.
«Стопкоронавирус.рф» сайтын 30 апрельысе данныйже почеш, пандемий тӱҥалме жап гыч таче кече марте Российыште 106 498 еҥ у коронавирус инфекций дене авалталтын, Марий Элыште — 566 (+31) граждан.

М.ИВАНОВА

Опубликовать в Одноклассники

Добавить комментарий