УВЕР ЙОГЫН

Параньга районышто ик яллан шукырак лийын

Параньга районышто ик яллан шукырак лийын.

 Шукерте огыл Параньга районысо Осыялым кок яллан шелыныт. Ынде иктыже Ӱлыл Осыял, весыже Кӱшыл Осыял маналтыт. Шке жапыштыже тудо тыгак ик яллан шотлалтын. Вара нуным шелыныт. А 60-шо ийлаште угыч ушеныт. Кум ий ончыч ял калык тудым угыч шелаш шонен пыштен. Тидын шотыштак тӱрло инстанцийыш йодмаш дене лектын.

Лачшымак 1 августышто Россий правительстве председатель Дмитрий Медведев, «Георгафический объект-влаклан лӱмым пуымо нерген» федеральный закон дене келшышын, Марий Эл Республикысе Кугыжаныш Погынын темлымыж почеш, у ялым ыштыме шотышто кӱштымашыш кидшым пыштен. Тачысе кечылан ты ялыште 27 сурт уло. Шукерте огыл тушто у илемын  пайремжым эртареныт.

С.Носова.

Опубликовать в Одноклассники

Добавить комментарий