Марий Эл - 100

Пайрем дене!  

Марий Эл Республикыште илыше шерге еҥ-влак!

Тендам Калыкын чак чумырген шогымо кече да Марий Эл Республикым ыштымылан 100 ий темме кече дене саламлем!

Тиде чапле событий Марий кундемлан – шуко национальностян ойыртемалтше регионлан – исторический сынаныш савырнен, тушто тўрлє калык гыч улшо да тӱрлӧ верам кучышо еҥ-влак ваш сӧрасен илат.

Эртыше ийлаште республик кугу сеҥымашке шуын. Илышын чыла ужашыштыже сай вашталтыш лийын: медицине ден илыме комплекс, кӱлешан социальный объект-влак писын чоҥалтыт, промышленный ден ялозанлык продукцийым ыштен налме кугыт, куралын ӱдымӧ кумдык ешаралтыт, театр, университет да школ-влак пашам ыштат. Шуко вашталтышым ышташ Российын Президентше Владимир Владимирович Путинын тӱҥалтышыж почеш илышыш шыҥдарен толмо национальный проект-влак полшат.

Марий Элын турист-влакым вашлийын кертме йӧнжӧ кугу: мемнан оҥай да ойыртемалтше республикна нерген утларак пален налаш, тудын сылне верлажым ончен савырнаш кумылаҥше еҥ-влакын чотышт ий еда кушкеш. Марий кундем тӱкыдымӧ сылне пӱртӱсшӧ дене – ер ден эҥер-влакын моторлыкышт, пеледалтше олыкшо, ужар сывынла койшо чодыраже да яндар южшо дене еҥ-влакын кумылыштым савыра.

Россий калыкын патриотизмже да чак чумырген шогымыжо кеч-кунамат эн кугу вийлан шотлалтыныт, лач чыла тидыже элым у сеҥымашке да илышым тӱзатымашке шуктен, тудым пеҥгыдемден да эрыкан державыш савырен. Кӱшнӧ каласыме, тыгак тукым-влак кокласе кӱрылтдымє кыл, шуко курымаш йӱлам, традицийым арален кодымаш – чыла тидыже Марий Элыште илыше еҥ-влакын – поро шӱм-чонан, пашам йӧратыше, честный да шочмо мландым йӧратыше еҥ-влакын – илышышкыштат тӱрыснек шыҥен. Марий кундемыште шочын-кушшо еҥ-влак Кугу Сеҥымашке да сар деч вара элын экономикыжым уэш йол ӱмбак шогалтымашке шке надырыштым пыштеныт.

Курымаш йыжыҥым илен эртарен, республик умбакыже вияҥаш да кугу кӱкшытыш шуаш палемдымым илышыш шыҥдарышашлан у вий-куатым налеш манын ӱшанем.

Марий Эл Республикыште илыше чыла еҥлан сеҥымашке шуын толаш, пиалым, пеҥгыде тазалыкым, илышыште чыла сайым да тыныслыкым тыланем!

 

Марий Эл Республикым Вуйлатыше А.А.ЕВСТИФЕЕВ

Опубликовать в Одноклассники

Добавить комментарий